गणपती बप्पा मोरया!!! सर्व गणेशभक्तांना गणेशचतुर्थीच्या हार्दिक शुभेच्छा!!!
गणपती बप्पाच्या आवडत्या मोदकांची पाककृती खास आपणां सर्वांसाठी!!!
साहित्यः
सारणासाठी:
पारीसाठी:
कृतीः
सारणाची:
पारीची:
मोदकाची:
टीप:
गणपती बप्पाच्या आवडत्या मोदकांची पाककृती खास आपणां सर्वांसाठी!!!
साहित्यः
सारणासाठी:
- १ कप खोबरयाचा कीस
- १/२ कप गूळ
- १ टीस्पून वेलची पूड
- १/२ टीस्पून जायफळ पूड
- १ टेबलस्पून मणुके
- १ टेबलस्पून साजूक तूप
पारीसाठी:
- १ कप तांदूळाची पिठी
- १ टीस्पून साजूक तूप
- १/२-१ कप पाणी
- मीठ चवीनुसार
कृतीः
सारणाची:
- कढई / पॅन मध्ये तूप गरम करून त्यात किसलेला अथवा फोडून बारीक केलेला गूळ आणि खोबरयाचा कीस टाकून मिश्रण लालसर होइपर्यंत परतावे.
- यात मणुके, वेलची व जायफळ पूड टाकून मिश्रण नीट एकत्र करून बाजूला ठेवावे.
पारीची:
- पाणी कडकडीत गरम करून घ्यावे.
- तांदळाच्या पिठीत तूप, मीठ टाकून त्यात गरम पाणी हळूहळू टाकावे आणि चमच्याने हलवत रहावे.
- साधारण सगळ्या पिठाच्या गाठी झाल्या की कणकेपरमाणे हलक्या हाताने मळून घ्यावे. कणीक एकसंध दिसावयास हवी.
मोदकाची:
- पारीसाठी कणकेचा लिंबाएवढा गोळा घेऊन हाताने त्याची पारी करावी अथवा दोन प्लास्टिकच्या पिशव्यांमध्ये ठेवून लाटावी.
- या पारीमध्ये सारण भरून मोदक बनवावेत.
- सगळे मोदक बनवून झाले की १०-१५ मिनिटे उकडून घ्यावेत.
टीप:
- खोबरयाचे छोटे-छोटे तुकडे करून मिक्सरला बारीक करून घेतले तरी चालेल.
- कणीक मळून झाल्यावर शक्य असल्यास थोडावेळ झाकून ठेवावी. मोदक बनवतानाही कणीक झाकून ठेवावी.
- मोदक उकडण्यासाठी इडलीपात्राचा वापर करता येईल.अथवा मोदक एका चाळणीत ठेऊन ती चाळणी पाणी उकळत असलेल्या पातेल्यात झाकून ठेवावी. उकळत असलेले पाणी खालून मोदकांना लागणार नाही याची काळजी घ्यावी.
